Esta semana volve ser semana de invernada! O vindeiro sábado, 20 de novembro, ás 18:30,  teremos tarde de cine 😄

Será unha sesión especial na que comezaremos coa presentación do libro Otra educación con cine, literatura y canciones, de Jaume Carbonell Sebarroja e Jaume Martínez Bonafé, contando coa presenza deste último, doutor en Filosofía e Ciencias da Educación da Universidade de Valencia.

Trátase dun ensaio divulgativo que fala da infancia e da xuventude dentro e fóra da escola, da diversidade cultural e sexual, do pensamento crítico e do profesorado, invitando á reflexión.

Ademais esta presentación irá acompañada da proxección da película Buda explotó por vergüenza,de Hana Makhmalbaf, a cal relata a historia dunha nena afgana que loita por ir á escola e recibir unha educación.

Animádevos a pasar unha tarde ben entretida, onde haberá espazo para o coloquio, a aprendizaxe e a diversión 😄